بچھڑنے والے

[+ Muskan Khan]

بچھڑنے والے
 چلے جو ہو تو بتا کے جاؤ ۔ ۔ ۔ ۔

کہ کتنی شامیں اداس آنکھوں میں کاٹنی ہیں ؟
 کہ کتنی صبحیں اکیلے پن میں گزارنی ہیں ؟

کہ کتنے سورج عذاب رستوں کو دیکھنا ہے ؟
 کہ کتنے مہتاب سرد راتوں کی وسعتوں سے نکالنے ہیں ؟

کہ چاند راتوں میں وقت کیسے گزارنا ہے ؟
 خاموش لمحوں میں تجھ کو کتنا پکارنا ہے ؟

کہ کتنے لمحے شمار کرنے ہیں ہجرتوں کے ؟
 کہ کتنے موسم اک ایک کر کے جدائیوں میں گزارنے ہیں ؟

کہ پنچھیوں نے اکیلے پن کا سبب جو پوچھا

تو کیا کہوں گا ۔ ۔ ۔ ؟ ؟ ؟

کسی نے رستے میں روک کر جو مجھ سے پوچھا
کہ پچھلے موسم میں ساےٴ ساےٴ جو اجنبی تھا ۔ ۔ ۔ !!۔ 
کہاں گیا ہے ۔ ۔ ۔ ۔ ؟؟
 تو کیا کہوں گا ۔ ۔ ۔ ۔؟ ؟

میں کس سے تیرا گلہ کروں گا ؟
بچھڑ کے تجھ سے حبیب . . کس سے ملا کروں گا ؟
بتا کے جاؤ کہ آنکھ برسی تو کون موتی چنا کرے گا؟
اداس لمحوں میں دل کی دھڑکن سنا کرے گا ؟
بتا کے جاؤ کہ موسموں کو پیام دینے ہیں ۔ ۔ ۔ ؟ یا نہیں ؟
 فلک کو ، تاروں کو ، جگنوؤں کو سلام دینے ہیں ۔ ۔ ۔؟ یا نہیں ؟ ۔

کہ کس پہ ہے اعتبار کرنا ؟
تو کس کی باتوں پہ بےنیازی کے سلسلے اختیار کرنا ؟
بتا کے جاؤ کہ اب رویوں کی چال کیا ہو ؟
جواب کیا ہو ؟۔ ۔ ۔ سوال کیا ہو ؟ ۔ ۔ ۔ 
عروج کیا ہو ؟ ۔ ۔ ۔ ، زوال کیا ہو؟ ۔ ۔ ۔ 
 نگاہ ، رخسار ، زلف ، چہرہ . . نڈھال کیا ہو ؟

بتا کے جاؤ ۔ ۔ ۔ ۔ ۔
کہ میری حالت پہ چاندنی کھلکھلا پڑی تو
 میں کیا کروں گا ۔ ۔ ؟؟

بتا کے جاؤ ۔ ۔ ۔ ۔ 
کہ میری صورت پہ تیرگی مسکرا پڑی تو
 میں کیا کروں گا ۔ ۔ ۔ ؟؟

بتا کے جاؤ
کہ تم کو کتنا پکارنا ہے ؟
بچھڑ کے تجھ سے یہ وقت کیسے گزارنا ہے ؟
اجاڑنا ہے ۔ ۔ ۔ ۔ ؟ نکھارنا ہے ۔ ۔ ۔ ؟
بدن کو کتنا سوارنا ہے ۔ ۔ ۔ ؟
چلے جو ہو تو ۔ ۔ ۔ ۔ ۔ ۔ 
بتا کے جاؤ ۔ ۔ ۔ ۔ ۔ !!
 کہ لَوٹنا بھی ہے ۔ ۔ ۔ ؟؟ یا ۔

[+ ◦•●◉✿Dua✿◉●•◦+]

nice <3

[+ ＡＴＨＥＲ]

اففففففففففف

[+ ＡＴＨＥＲ]

Ap Yaha Bhi

[+ Muskan Khan]

[HaPpY cнαη∂α (✿◠‿◠)(◉‿◉✿)]

بتا کے جاؤ کہ اب رویوں کی چال کیا ہو ؟
جواب کیا ہو ؟۔ ۔ ۔ سوال کیا ہو ؟ ۔ ۔ ۔ 
عروج کیا ہو ؟ ۔ ۔ ۔ ، زوال کیا ہو؟ ۔ ۔ ۔ 
 نگاہ ، رخسار ، زلف ، چہرہ . . نڈھال کیا ہو ؟

بتا کے جاؤ ۔ ۔ ۔ ۔ ۔
کہ میری حالت پہ چاندنی کھلکھلا پڑی تو
 میں کیا کروں گا ۔ ۔ ؟؟

بتا کے جاؤ ۔ ۔

[+ Muskan Khan]