Latest Activity In Study Groups

Join Your Study Groups

VU Past Papers, MCQs and More

سبک رفتار لمحوں کی حدیں ترتیب دیتا ہوں
سحر کے سانسیں گنتا ہوں شبیں ترتیب دیتا ہوں

مرے یاروں کی فطرت میں یہ کیسا وصف شامل ہے
وہی مجھ کو مٹاتے ہیں جنہیں ترتیب دیتا ہوں

خزاں نے خشک پتوں میں صدائیں بانٹ رکھی ہیں
میں ان کی سرسراہٹ سے دھنیں ترتیب دیتا ہوں

تجھے سوچوں تو پہلو میں مچل جاتا ہے میرا دل
سو دل پہ ہاتھ رکھ کر دھڑکنیں ترتیب دیتا ہوں

بکھر جاتا ہے پسپا ہوکے جب لشکر ارادوں کا
نئئ قوت سے پھر اپنی صفیں ترتیب دیتا ہوں

میں پہناتا ہوں لفظوں کو معانی کی قبا
ساگر
غزل کہتا ہوں ان کی صورتیں ترتیب دیتا ہوں

Views: 278

Reply to This

Replies to This Discussion

zabardastttttt

nice sharingggg

keep it up

RSS

© 2021   Created by + M.Tariq Malik.   Powered by

Promote Us  |  Report an Issue  |  Privacy Policy  |  Terms of Service