میرے اس کلام کو معاف کر

[★彡[ꜱʜʏɴᴀ]彡★]

ایک سوچ عقل سے پھسل گئی

مجھے یاد تھی کہ بدل گئی

میری سوچ تھی کہ وہ خواب تھا

میری زندگی کا حساب تھا

میری جستجو کہ برعکس تھی

میری مشکلوں کا وہ عکس تھی

مجھے یاد ہو تو وہ سوچ تھی

جو نہ یاد ہو تو گمان تھا

مجھے بیٹھے بیٹھے گمان ہوا

گمان نہیں... خدا تھا وہ

میری سوچ نہیں تھی خدا تھا

وہ خدا کہ جس نے زبان دی

مجھے دل دیا مجھے جان دی

وہ زبان جسے نہ چلا سکیں

وہ ہی دل جسے نہ مٹا سکیں

وہ ہی جان جسے نہ لگا سکیں

کبھی مل تو تجھ کو بتائیں ہم

تجھے اس طرح سے ستائیں ہم

تیرا عشق تجھ سے چھین کے

تجھے مے پلا کے رلائیں ہم

تجھے درد دوں تو نہ سہ سکے

تجھے دوں زبان تو نہ کہہ سکے

تجھے دوں مکان تو نہ رہ سکے

تجھے مشکلوں میں گھرا کے میں

کوئی ایسا رستہ نکال دوں
ترے درد کی میں دوا کروں

کسی غرض کے میں سوا کروں
تجھے ہر نظر پہ عبور دوں

تجھے زندگی کا شعور دوں
کبھی مل بھی جائیں گے غم نہ کر

کبھی گر بھی جائیں گے غم نہ کر
ترے ایک ہونے میں شک نہیں

میری نیتوں کو تو صاف کر
تیری شان میں بھی کمی نہیں
میرے اس کلام کو معاف کر