زندگی دیکھ تجھے ہم سے خَسارہ کیا ہے

[＋ ꜞꜞ STrAnGEr ꜞꜞ ＋]

زندگی دیکھ تجھے ہم سے خَسارہ کیا ہے
جینے تُو خود نہیں دیتی تو, ہمارا کیا ہے

ایک دریا کو شِناسائی ہے رستے کی مگر
اس کو یہ عِلم نہیں ہے کہ کنارہ کیا ہے

زندگی پوچھنے والوں کے سوالات کو سُن
اور اِن سب کو بتا اِن کا کفارہ کیا ہے

تو ابھی جیت کے آیا ہے خوشی بنتی ہے
تجھ کو احساس نہیں ہے کہ تو ہارا کیا ہے

یہ مرا شہر ہے اور اِسکے مکیں اندھے ہیں
کس کو معلوم یہاں کس کا اشارہ کیا ہے

تو میری پہلی محبت تھی مگر آخری تھی
میں ترے بعد ہی جا سمجھا سہارا کیا ہے

عشق سے ہار کے لَوٹے تو ہمیں یاد آیا
دن میں دیکھے ہوئے تاروں کا نظارہ کیا ہے

پاوں لگتے ہیں مجھے میرے زمیں کے نیچے
عشق کے نام پہ اس دل میں اتارا کیا ہے