www.bit.ly/vucodes

+ Link For Assignments, GDBs & Online Quizzes Solution

www.bit.ly/papersvu

+ Link For Past Papers, Solved MCQs, Short Notes & More

Mohabbat Diary Hargiz nahin hai 
Jis mein Tum likho 
Ke kal kis Rang k Kapray pehn'ney hain 
Kaun si Khushbu lagani hai 
Kis se kia Baat kehni, Aur kia Baat chupaani hai 
Kahaan kis Pairr k Saaye Talay milna hai? 
Mil kr Poochna hai 
Kia Tumhein Mujh se Mohabbat hai??? 
Ye Farsooda sa Jumla hai...... 
Magar phir bhi ye Jumla...... 
Dareechon, Aanganon, Sarkon, Galli Koochon mein, Chaubaaron mein" 
Chaubaaron ki tooti Seerhiyon mein 
Har Jagah Koi Kisi se keh raha hai" 
"Kia Tumhein Mujh se Mohabbat hai"???

Mohabbat Diary hargiz nahin hai 
Jis mein Tum likho 
Tumhein kis Waqt, kis Jagah,
Kis se Milna hai, Kis ko Chhor jaana hai 
Kahaan per kis tarah ki Guftugu karni hai ya Khaamosh rehna hai 
Kis ke Saath kitni Durr tk jaaana hai Aur phir kab Laut aana hai 
Kahaan Aankhein milaana hain Kahaan Palkein jhukaana hain 
Ya ye Likho ke Ab ki baar jab Woh milnay aye ga 
To Us ka Haath apne Haath mein le kar 
Dhanak Chehray pe Roshan Jag'magaati Raqs karti Uski Aankhon mein utar jayein ge 
Aur phir Gulshan_o_Sehra ke Beechon Beech Dil ki Saltanat mein Khaak uraayein ge 
Boht mumkin hai Woh Ujj'lat mein aaye
Aur Tum Us ka Haath Haathon mein na le pao
Na Aankhon hi mein Jhaanko, Aur na Dil ki Saltanat ko Fatah kr paao
Jahan pr Guftugu karni hai, Tum Khaamosh ho jaao
Jahan Khaamosh rehna hai, Wahan tum boltay jaao
Naye Kapray pehn kr Ghar se niklo, Mai'lay ho jaao......
Koi Khushbu laganey ka Iraada ho, to Sheeshi Haath se gir jaye
Tum Veeran ho jaao
Safr krne se Pehle, Be'Sar_o_Samaan ho jaao

Mohabbat Diary hargiz nahin hai, Aab_e_Joo hai
Jo Dilon ke Darmiyan behti hai, Khushbu hai
Kabhi Palkon pe Lehraaye, To Aankhein Hansney lagti hain
Jo Aankhon mein Utar jaye_______To....
Manzar aur Pas_e_Manzar mein Shammein jalne lagti hain
Kisi bhi Rang ko Chhoo lo
Wohi Dil ko Gawaara hai
Kisi Matti mein Ghul jaye
Wohi Matti Sitaara hai.......

"Mohabbat Diary Hargiz Nahin Hai".........!!!M!!!i!!!R!!!


+ http://bit.ly/vucodes (Link for Assignments, GDBs & Online Quizzes Solution)

+ http://bit.ly/papersvu (Link for Past Papers, Solved MCQs, Short Notes & More)

+ Click Here to Search (Looking For something at vustudents.ning.com?)

+ Click Here To Join (Our facebook study Group)


Views: 381

Reply to This

Replies to This Discussion

nice poetry 

good job 

thanks

RSS

© 2021   Created by + M.Tariq Malik.   Powered by

Promote Us  |  Report an Issue  |  Privacy Policy  |  Terms of Service

.