Raat chiraghon ki mehfil mein....

[･༓☾ Shayna ☽༓･]

raat charaaGhoN kii mahfil meN, shaamil ek zamaana thaa
lekin saath meN jalne vaalii, raat thii yaa parwaanaa thaa

Khizr nahiiN rahzan hii hogaa, raah meN jis ne looT liyaa
lekin yaaro shak hotaa hai, kuchh jaanaa pahchaana thaa

shab bhar jis rudaad-e-alam par, ashk bahaate guzarii thii
subah hu_ii to hamne jaanaa, apnaa hii afsaanaa thaa

kaun hamaare dard ko samjha, kisne Gham meN saath diyaa
kahne ko to saath hamaare, tum kyaa, ek zamaanaa thaa

log isey jo chaahe kah leN, apnaa to ye haal rahaa
sirf unhiiN se zaKhm mile haiN, jin se kuchh yaaraana thaa

maslihatoN kii is bastii meN, lab khulte, yah taab naa thii
vaz'a junooN kii baat na poochho, vo bhii ek bahaana thaa

talKhi-e-Gham pahuNche the bhulaane, sood-o-ziyaaN meN uljhe haiN
baadaa_faroshoN kii maNDii thii, naam magar mai_Khaanaa thaa

nabz kii Khaatir ham ne apnaa, zauq-e-talab badnaam kiyaa
aaj vahii kahte haiN haNs kar, shaayar thaa, diivaanaa thaa

[Hassan]

kamāl-e-ishq hai dīvāna ho gayā huuñ maiñ 

ye kis ke haath se dāman chhuḌā rahā huuñ maiñ 

tumhīñ to ho jise kahtī hai nāḳhudā duniyā 

bachā sako to bachā lo ki Dūbtā huuñ maiñ 

ye mere ishq kī majbūriyāñ ma.āz-allāh 

tumhārā raaz tumhīñ se chhupā rahā huuñ maiñ 

is ik hijāb pe sau be-hijābiyāñ sadqe 

jahāñ se chāhtā huuñ tum ko dekhtā huuñ maiñ 

batāne vaale vahīñ par batāte haiñ manzil 

hazār baar jahāñ se guzar chukā huuñ maiñ 

kabhī ye zom ki tū mujh se chhup nahīñ saktā 

kabhī ye vahm ki ḳhud bhī chhupā huā huuñ maiñ 

mujhe sune na koī mast-e-bāada-e-ishrat 

'majāz' TuuTe hue dil kī ik sadā huuñ maiñ 

[･༓☾ Shayna ☽༓･]

Dil ki baat laboon per la kar ab tak hum dukh sehtay hein

Hum ne suna tha is bastii mein dil walay bhi rehtay hein

 

Beet gaya sawan ka maheena, mausam ne nazrein bedleen

Lakin inn pyaari ankhon se ab tak aansoo` behtay hein

 

Ik hamein aawarah kehna koi bara ilzaam nahi

Duniya walay dil waloon ko aur bohat kuch kehtay hein

 

Jin ki khatir shehar bhi chora jin ke liye budnaam howaye

Aaj wohi hum se be-ganay be-ganay se rehtay hein

[･༓☾ Shayna ☽༓･]

khoob

[Ateeqa]

Bht Khoooob.....

[･༓☾ Shayna ☽༓･]

thanks girl

[+!!★彡 Alan Walker彡★✓]

[･༓☾ Shayna ☽༓･]

one of my fav...

nice girl

[+!!★彡 Alan Walker彡★✓]

Hm mine 2

[･༓☾ Shayna ☽༓･]

:)