Latest Activity In Study Groups

Join Your Study Groups

VU Past Papers, MCQs and More

We non-commercial site working hard since 2009 to facilitate learning Read More. We can't keep up without your support. Donate.



SHAYARI

{Dil ka dard ek raaz banke reh gaya,
Mera bharosa mazak banke reh gaya,
Dilo ke saudagar se dillagi kar bethe,
Shayad is liye mera pyar mazak ban ke reh gaya.}

{Gumo ki mujh par kuch aisi nazar ho gayi
Jab bhi hum hase ye aankhe nam ho gayi,
Hum roye bhi toh wo jaan naa sake aur
Wo udas b huye to hume khabar ho gayi.}


{Woh bewafa hamara imtehan kya legi
Milengi nazron se nazar toh nazar jhuka legi
Use meri qabar par diya mat jalane dena
Woh nadaan hain doston.. apna haath jala legi!}

{Pyar kahn apni kismat mein
Hamne to dhokho ka didar kiya hai
Luta hamen use ne us jagah jab jahan
Hamane hansakar pyar se pyar kei baat ki hai!}



{Intezar rehta hai har shaam tera
Raatein katti hain le le kar naam tera
Muddat se baithe hain yeh aas paale
Ki kabhi toh aayega koyi paigam tera.}



{Dil main har raaz daba kar rakhte hai,,,,
Hotho par muskarahat sajakar rakhate hai,,,,
Ye duniya sirf khushi main saath deti hai,,,,
Isaliye hum apne aansuo ko chhupa kar rakhte hai.}


{Aakhir kyun mujhe tum itna dard dete ho
Jab bhi mann mein aaye kyun rula dete ho
Nigahen berukhi hain aur tikhe hain lafz
Ye kaise mohabbat hain jo tum mujhse karte ho.}


{Chamak Suraj Ki Nahi Mere Kirdaar Ki Hai
Khabar Ye Aasmaan Ke Akhbaar Ki Hai,
Main Chaloon To Mere Sang Kaarwan Chale
Baat Garoor Ki Nahi Aitbaar Ki Hai}

{Chingari ka khauf na do hame
Dil me aag ka dariya basaye baithe hain.
Jal jaate kab ke is aag me
Magar khud ko aansuon me bhigoye baithe hain.}


TWO LINE SHAYARI

{Ajeeb Haal Mein Pohanch Gayi Hai Zindagi,
Ab Na Toh Koi Ajnabi Raha Na Koi Apna}

{Mohabbat Ke Andaz Bhi Juda Juda Hain Saghar,
Kisi Ne Toot Ke Chaha Aur Koi Chah Ke Toot Gaya}

{Humny socha tha usy tot kay chahy gyn
Sach mano chaha bhi bohat totay bhi bohat}

{Ussay Maloom Hai Duniya Ki Hamdardi Mein Dhokay Hain Ali,
Woh Sog Mein Bhi Ho Toh Ban Thann Kar Nikalti Hai}

{Mere Chehre Pe Ghazal Likhti Gain
Sher Kahti Hui Ankhen Us Ki}


SHAYARI / GHAZAL

{Nazdeek Jo Ahsas K Jazbon Se Howa Hun
Warasta Me Alfaz K Rishton Se Howa Hun
Apney Me Magan Hey Sabi Ko Apna Hi Gham He
Bezar Me Apno Sey Parayun Sey Howa Hun
Firoun Ne Bi Orh Liya Jama E Mosa
Mohtat Me Ab Kuch Naey Rishton Se Howa Hun
Taqat K Tawasut Se Jo Manwaey Khudai
Baghi Me Aesey Jhotey Khudaon Se Huwa Hun
Noman Jo Is Mulk Ne Phelati hey Nafrat
Ab Robaro Kuch Aesey Hawaon Se Howa Hun}


{Mai Ise Chahta Tou Hun
Magar Ehtram-e-Izhaar Nahi Kar Sakta
Mai Tere Is Badan Ko
Mohabbat Ka Naam De Kar Aludah Nahi Kar Sakta
Jitna Bhi Kamiyab Ho Jaye
Ab Murshid Ka Mukabla Tou Nahi Kar Sakta
Ali Ko Janne K Lie Bhi Ali Chahiye
Ab Har Shaks Bhi Tou Ali Ali Nahi Kar Sakta
Mai Yazeed Ka Sath De Kar
Aal-Muhammad Se Daga Nahi Kar Sakta}

{Wo Phool kehta tha mujh ko
Kushbu kehta tha khud ko
Murjha gya wo mujh ko
Hawaon me phala kr khud ko
Wo Jism kehta tha mujh ko
Ruh kehta tha khud ko.
Wo Juda kr gya khud ko
Mar gya wo mujh ko
Parwana kehta tha mujh ko
Shama kehta tha khud ko
Roshan kar k khud ko
Jala gya wo mujh ko}


{zabanon ke ras mein ye kaisi mahak hai
ye bosa ki jis se mohabbat ki sahba ki uDti hai KHushbu
ye bad-mast KHushbu jo gahra ghunuda nasha la rahi hai
ye kaisa nasha hai
mere zehn ke reze reze mein ek aankh si khul gai hai
tum apni zaban mere munh mein rakhe jaise patal se meri jaan khinchte ho
ye bhiga hua garm o tarik bosa
amawas ki kali barasti hui raat jaise umaDti chali aa rahi hai
kahin koi saat azal se ramida
meri ruh ke dasht mein uD rahi thi
wo saat qarin-tar chali aa rahi hai
mujhe aisa lagta hai
tarikiyon ke
larazte hue pul ko
main par karti chali ja rahi hun
ye pul KHatm hone ko hai
aur ab
us ke aage
kahin raushni hai}

{Aaj phir rooh mein ek barq si lahraati hai
Dil ki gehrai se rone ki sada aati hai
Yun chaTakti hain KHarabaat mein jaise kaliyan
Tishnagi saghar-e-labrez se Takraati hai
Shola-e-gham ki lapak aur mera nazuk sa mizaj
Mujh ko fitrat ke rawaiyye pe hansi aati hai
Maut ek amr-e-musallam hai to phir ai saqi
Rooh kyun zist ke aalam se ghabraati hai
So bhi ja ai dil-e-majruh bahut raat gai
Ab to rah rah ke sitaron ko bhi neend aati hai
Aur to dil ko nahi hai koi takleef ‘adam’
Han zara nabz kisi waqt Thahar jati hai}

{Dekh kar dil-kashi zamane ki
Aarzu hai fareb khane ki
Ae gham-e-zindagi na ho naraaz
Mujh ko aadat hai muskurane ki
Zulmaton se na Dar ki raste mein
Roshni hai sharab-KHane ki
Aa tere gesuon ko pyar karun
Raat hai mishalen jalane ki
Kis ne saghar ‘adam’ buland kiya
Tham gain gardishen zamane ki}

{Un ko ahd-e-shabab mein dekha
Chandni ko sharab mein dekha
Aankh ka Aetbaar kya karte
Jo bhi dekha wo Khawab mein dekha
Dagh sa mahtab mein paya
Zakhm sa aftab mein dekha
Jam la kar Karib aankhon ke
Aap ne kuchh sharab mein dekha
Kis ne chera tha saz-e-masti ko?
Aik shoala rubab mein dekha
Log kuchh mutmain bhi thay phir bhi
Jis ko dekha azab mein dekha
Hijr ki raat so gae the ‘adam’
Subh-e-mahshar ko Khawab mein dekha}

{Hai Justuju ke ḳhoob se hai ḳhub-tar kahan
Ab Thaharti hai dekhiye ja kar nazar kahan
Hain daur e jam e avval e shab mein ḳhudi se duur
Hoti hai aaj dekhiye hum ko sahar kahan
Ya Rab is iḳhtilat ka anjam ho ba-ḳhair
Tha us ko hum se rabt magar is qadar kahan
Ek umer chaiye ke gavara ho nish-e-ishq
Rakhi hai aaj lazzat-e-zaḳham-e-jigar kahan
Bus ho chuka bayan kasal-o-ranj-e-rah ka
Khat ka mire jawab hai ai nama-bar kahan
Kaun o makan se hai dil-e-vahshi kinara-gir
Is ḳhanuman-ḳharab ne Dhunda hai ghar kahan
Hum jis pe mar rahe hain woh hai baat hee kuch aur
Aalam mein tujh se laakh sahee tu magar kahan
Hoti nahi qabool dua tark-e-ishq ki
Dil chahta na ho to zuban mein asar kahan
Hali nashat-e-naġhma-o-mai Dhundhte ho ab
Aaye ho waqt-e-subh rahe raat bhar kahan}

{dil guman tha gumaniyan the ham
haan miyan dastaniyan the ham
ham sune aur sunae jaate the
raat bhar ki kahaniyan the ham
jaane ham kis ki buud ka the subut
jaane kis ki nishaniyan the ham
chhodte kyuun na ham zamin apni
akhirash asmaniyan the ham
zarra bhar bhi na thi numud apni
aur phir bhi jahaniyan the ham
ham na the ek aan ke bhi magar
javedan javidaniyan the ham
rose ik ran tha tir-o-tarkash bin
the kamin aur kamaniyan the ham
arghavani tha vo piyala-e-naf
ham jo the urghavaniyan the ham
nar-e-pistan thi vo qattala
aur havas-darmiyaniyan the ham
na-gahan thi ik aan aan ki thi
ham jo the nagahaniyan the ham}

Views: 14

Reply to This

Looking For Something? Search Below

VIP Member Badge & Others

How to Get This Badge at Your Profile DP

------------------------------------

Management: Admins ::: Moderators

Other Awards Badges List Moderators Group

© 2021   Created by + M.Tariq Malik.   Powered by

Promote Us  |  Report an Issue  |  Privacy Policy  |  Terms of Service