Latest Activity In Study Groups

Join Your Study Groups

VU Past Papers, MCQs and More

We non-commercial site working hard since 2009 to facilitate learning Read More. We can't keep up without your support. Donate.


Mustaqbil…


Waledain or Aulaad ki Soch main tazaad kiun


 


Mustaqbil ki fiqar insaan ki har soch pr hawi hai. WO hamesha apnay roshan mustaqbil k liye nit naye mansoobay bananay main laga rehta hai. Halankay wo yeh baat bakhoobi janta hai k mustaqbil ko janna insaan ki salahiato k ahatay main nahi ataa. Lekin is ki fitrat ko qudrat ne yaqeenan is ki kamzori banaya hai or kamzoriyo pr kaha bas chalta hai. Bhalay hi insaan yeh nahi jan skta k AGAY KIA HOGA lekin wo yeh zroor tai kr sakta hai k wo agay KIA KARAY GA. Haqeeqat yehi hai k mustaqbil main apna rol nibhanay ka faisla usay krna
hi prhta hai. Khua wo faisla qudrat ko manzoor ho na ho.


Ek bacha apnay maa baap ki ungli pakar kar bachpan se larakpan or phr jawani main kadam rkhtay hi khud ko khud mukhtar smjhnay ki glti kr bethta hai. Apnay faislo main waledain ki raye to laita hai pr us k liye raye laina sirf formality hai, farmabardari to us pr amal krnay main hai. Lekin jawani dor hi aisa hai jab insaan Shaor or La Shaori k darmian hayel ek pul pr khara hota hai. Jahan ussy dosray ka mukhlisana mashwara b khayi nazar ata hai.. Yeh pul wohi asaani se paar kr sakta hai jissay la shaori k waqt koi aisa dost mil gaya ho jis pr wo ankh band kr k bharosa kr sakay. Bachpan main waledain agar dost ka kirdaar adaa karein to agay ka safar dono k liye sehal hojata hai.


Waledain or aulaad ki raye main tazaad jabhi hota hai jab apsi smjh or bharosay ka fuqdaan ho. Waledain jitney b achay ho, aulaad jawani main insecure rehti hai. Or Aulad k insecure honay se
waledain b iss khauf main mubtila hojatein hain k kahin un k dil ki thandak dhanak ki kashish se mehzooz hokar parinda na ban jaye. Or unhay akela na chor de. Agar bachay ko uraan ka shauq ho to k hamrah hojana hi aj k zamanay ka taqaza hai. Warna uraan to wo har soorat bharta hai
bas hamrahi kisi or ko bana laita hai.


La shaori main waledain burdbari ka muzahira karein to ba shaor honay pr aulaad ko apni zimme-dariyon ka ehsaas hojata hai. Aj soch naa milnay ki sab se bari wajah yehi hai k kahi waledain ehsaas dilanay main chook jatain hain or kahi aulaad zimme-dariyon se agahi k  bawajood issay poora krna zroori nahi smjhti. Baat sirf itni si hai k jis trha purani riwayat ko
aj main mukammal tor pr amal main lana bewakoofi hai ussi trhan mehaz society main move krnay k liye apnay abao-ajdaad k khayalaat ko daqyanoosi smjhna b kisi himaqat se kam
nahi. Har soch main eetadal pasand hona hi sahi or zroori hai.
   


Mukhtasar yeh k, kisi ki soch ko smjhnay k liye muamalaat ko uski nazar se dekhna bhot zroori hai.Agar ham naujawaan apna nazariya paray rakh kar maa baap ki nazar se sochna shru kr dain to in k mashwaray hamay dakhal andaazi hargiz nahi lagay gay. Balkay yehi mashwaray mashal-e-rah ban kar taa-umar hamari madad karein gay. Hamari pehal unhay barakpan dikhanay pr majboor kr skti hai. Taali yaqeenan dono hathon se bajti hai lekin bajti jabhi hai jab ek ki pehal dosray main lachak paida kr de…

 

By Muslimah!

Views: 281

Replies to This Discussion

Amazing !!!!
unbelievable !!!!!
realy !! realy very very impressive !!!

mazmoon mian chupa paghaim .......... alfaz ka chunao ...... mazmoon main rwaneee ...... har jumlay ka apas main rabt .. sab he chezain nehayat ala mayar ke hain ..... aik intahai aham topic ka intakhab kya ap nay .... aur phir us topic bary he motdil andaz main byan kya ...... sab say baree bat k aik khushk topic ko baray he jandar andaz main ...qalam band kya ap ny.

i realy very impressed !

ALLAH AP KO MAZEED TARQEE ATA FARMAYEE !!!
AUR KHULS E NIAT KE DOLAT SAY MALA MAL FARMAE (AMEEN)

main phir kahon ga k .....i realy very impressed
Jazak Allah
zraa nawazi k liye...meri khoob hosla afzai hogyii hai
ap k aglay article ka intazar rahay ga ...

RSS

© 2021   Created by + M.Tariq Malik.   Powered by

Promote Us  |  Report an Issue  |  Privacy Policy  |  Terms of Service