Latest Activity In Study Groups

Join Your Study Groups

VU Past Papers, MCQs and More

We non-commercial site working hard since 2009 to facilitate learning Read More. We can't keep up without your support. Donate.

Yeh Azaab hai ya Azmaish!


Daikho zra...kal raat phir Aurangi town main char afrad halaak hogye…Suna tm ne k nukkar pr Shafaqat Ali k ghr chori hogyi…Abhi hi pata chala k Mehfooza ki larki kal colej k baad se lapata hai…Hamaray area main Sher
Khan naami ek shakhs ne gurbat k baais apnay biwi bacho samait khudkushi krli…


Ajkal ye waqiaat aam honay ki waja se akhbaron ki surkhian nahi balkay aurton ki gupshup ban chukay hain. Har gher mamooli karrawai hamaray mulk main aam hoti jaarhi hai. Mazloom zulm ka aadi hochuka hai or
zalim nidar or bekhauf. Aarzi mili hoyi azaadi ne mujrim ko iss qadar beniaz
krdya hai k ussay Khuda ki pakar ka ehsaas hi nahi raha. Wo is qadar behis
hochuka hai k pedarpay nazil honay wali qudrati afaat se b uska zameer nahi
jhunjhulata. Yeh mujrim koi makhsoos group ya mafia nahi balkay ham main se
hare k insaan khud hai. Ham sab insaaniyat pr zulm kr rhay hain.


Beshak ek insaan k qatal se saari insaaniyat ka khoon hojata hai or hamari behisi or begairti isi ka sabot hai. Ab kisi ki maut ki khabar sun kar rongtay khray nahi hotay kiunk zameer murda hochukay hain. Ham chlti
phirti lashain hain jo sab daikh kar b anjaan hain. Hamaray aas paas honay
walay waqiyaat ab hamaray liye azmaish nahi rhay k jis main se nikalnay k liye
ham zikr-o-ebaadat main juth jaye. Ab wo waqt nahi rha jab dil ek dosray k gham
main uchal prta tha. DUA k liye hath uthtay to silsila khatam hi na hota. Uper
wali ki larki k rishtay se lekar paros walay chacha ki sehat tak KHUDA se sab
hi kuch mang letay. Jhuki Ankhon se behtay aanso najanay kis kis ki umeeday bar
le atay thay. Or anjanay main kisi ka bhala kar k dil-o-demag ko abdi sukoon
milta tha.


Lekin ab hamari roohon pr is ki gaflat ki wja se BEHISI ka azaab nazil hoa hai. Aisa azaab jis ne hamaray haal k sath sath mustaqbil k agay bhi kayi sawalian nishan laga diye hain. Hosakta hai k yeh behaali,
besar-o-samani, jahalat ki fiza, qatal gah bani masjidain, ger mehfooz galian
kisi maasoom k liye waqai azmaish ho lekin ham pr yaqeenan azaab hain. Aur is
azaab se nikalnay k liye hamay b kisi masoom ki ashkbar ankhain or phailay hath
darker hain, jiskay honton se nikli dua khuda k azaab ko thanda kr day. Hamaray
ehsaas se aari murda jismo ko muhabbat or hamdardi k jazbaat se pur kr day.
Hamay yeh ehad kr k Khuda se bakhshish ki bheek mangni chahye k ab maafi milnay
pr ham apni kotahiyon se dosron k liye azmaishain khari nahi karain gay. Phir
kisi MEhfooza ko apnay naam pr sharminda nahi hona paray ga, phir koi Sher Khan
buzdili ka muzahira nahi karay ga.


Yeh Allah SWT bas ek bar hamay is azaab se nijaat ata farma de..bas EK bar AUR….Ameen


Nayab (Muslimah)

Views: 398

Replies to This Discussion

MASHALLAH !! aik bar phir behtreen topic ka intakhab ........
Excellent effort !!
thumps up for u!!

waqai hmaree ijtamai laghzisho ke bdolat aj hum per Allah ka AZAB ... mukhtalif shaklon mian musalat ho chuka hay ..
Allah hamin toba karnay aur apne taraf loot anay ke tofeeq ata farmaye ... AMEEN !!
jab tak hum TOOBA nhee kartaay aasmani aur zameeni afat hum per mukhtalif shaklon mian nazil hotee rahain ge ...
is say pehlay k dheel ke mudat khatm ho jaye .... ay Allah hmain apnee taraf lot anay ke tofeeq ata farma .. AMEEN !!

I Again say k boht he khoob likha apnay ..
Allah ap ke is kovish ko qabool famaye aur ap k ilm o amal main taraqee ata farmaye ..Ameen
keep it up !!

JAZAKALLAH for nice sharing ..
Ap ne yhan b cmnt kia...thats really very generous of u...
Jazak Allah

RSS

© 2021   Created by + M.Tariq Malik.   Powered by

Promote Us  |  Report an Issue  |  Privacy Policy  |  Terms of Service