Latest Activity In Study Groups

Join Your Study Groups

VU Past Papers, MCQs and More

We non-commercial site working hard since 2009 to facilitate learning Read More. We can't keep up without your support. Donate.


ایک شخص کو کہیں سے زخمی کینگرو کا بچہ ملا وہ اُسے بڑے پیار سے اپنے گھر لے آیا۔ کئی دن کی نگہداشت اور دیکھ بھال کے بعد جب کینگرو ٹھیک ھو گیا تو اپنے قدرتی طریقے سے وہ اِدھر سے اُدھر چھلانگیں لگانے لگ گیا اور کبھی کبھار تو ہمسائیوں کے گھروں میں بھی گھس جاتا جس کی وہ اکثر شکایت کرتے۔

آخر ایک دن اِس شخص نے کینگرو کے لیے ایک کمرہ تعمیر کروایا جس کی دیواریں 5 فٹ بلند رکھیں لیکن قدرتی ہوا کی آمد و رفت کے لیے چھت نہ بنائی، رات کو وہ شخص کینگرو کو اُس کمرے میں ڈال کر اس اطیمنان سے سو گیا کہ اب کوئی اُس سے تنگ نہیں ہوگا۔

لیکن دوسری صبح جب اُس کی آنکھ کھلی تو کیا دیکھا کینگرو اپنے کمرے کے باہر کھڑا ہے، اُسے بڑا تعجب ہوا لیکن خیر اُس نے دیواریں مزید 5 فٹ بلند کروا دیں۔

حسبِ سابق وہ پھر سکون سے سو گیا لیکن جب وہ اگلی صبح بیدار ہوا تو کیا دیکھا کینگرو پھر کمرے کے باہر ھے۔ اِس بار اُس کا تجسس اور حیرت اور بھی زیادہ ہو گئے لیکن اُس نے وقت ضائع کیے بغیر فواً دیواروں کو مزید 5 فٹ بلند کروا دیا، اور اب تو وہ سو فیصد یقین کے ساتھ رات کو سو گیا کہ کینگرو باہر نہیں نکلے گا۔

لیکن اُس کی حیرت اور پیشمانی کا کوئی ٹھکانہ نہ رہا جب اگلی صبح کینگرو پھر کمرے کے باھر بیٹھا پوا تھا۔ اِس بار اُس شخص سے رہا نہ گیا اور اُس نے کینگرو سے ہی پوچھ لیا کہ وہ "کیسے باھر آتا ھے؟"

تو کینگرو نے جواب دیا، "میرے مالک! تم چاھے جتنی مرضی اُونچی دیواریں کھڑی کر لو لیکن اگر دروازہ ہی بند نہیں کرو گے تو میں باہر آ ہی جاؤں گا۔"

میرے دوستو! کچھ یہی حال ہمارے پاکستان کے ساتھ بھی ہو رہا ہے۔ ہمارے نااہل اور کم فہم حکمران دہشت گردی سے نپٹنے کے لیے آئے روز نِت نئے اُوٹ پٹانگ قسم کے طریقے وضع کر رہے ہیں۔۔!

٭ کبھی ڈبل سواری پر پابندی لگا دی جاتی ھے۔
٭ کبھی موبائل نیٹ ورک بند کر دیئے جاتے ھیں۔
٭ کبھی انٹرنیٹ سروس کو جیم کر دیا جاتا ھے۔
٭ اور کبھی بلاوجہ ناکے لگا کر عام شہریوں کو تنگ کیا جاتا ھے۔

آخر میں فقط اتنا ہی کہونگا کہ حکومت دہشتگردی کے خلاف اِس طرح کی لاکھ پابندیوں کی دیواریں کھڑی کر لے، لیکن جب تک ہمارے ملک کی زمینی، بحری اور فضائی سرحدیں اور تمام داخلی اور خارجی راستے ہی محفوظ نہ ہونگے تو پھر دہشت گردی کا کینگرو کب اور کہاں سے اندر گھس جائے اور کب باہر نکل جائے اُسے کوئی نہیں روک سکتا۔

Views: 218

Comment

You need to be a member of Virtual University of Pakistan to add comments!

Join Virtual University of Pakistan

Comment by + CJ on July 23, 2014 at 7:07pm

Awesome sharing

© 2021   Created by + M.Tariq Malik.   Powered by

Promote Us  |  Report an Issue  |  Privacy Policy  |  Terms of Service