Latest Activity In Study Groups

Join Your Study Groups

VU Past Papers, MCQs and More

We non-commercial site working hard since 2009 to facilitate learning Read More. We can't keep up without your support. Donate.


آرمی پبلک سکول پر حملہ گیم چینجر ہے: سرتاج عزیز

آرمی پبلک سکول پر حملہ گیم چینجر ہے: سرتاج عزیز

  • 19 دسمبر 2014
’جیسے 9/11 نے امریکہ کو تبدیل کردیا اسی طرح 16/12 ہمارا منی 9/11 ہے‘

وزیراعظم پاکستان میاں نواز شریف کے مشیر برائے خارجہ امور سرتاج عزیز نے کہا ہے کہ پشاور میں آرمی پبلک سکول پر حملہ پاکستان کا 9/11 ہے۔

فرانسیسی خبر رساں ایجنسی اے ایف پی کو خصوصی انٹرویو میں کہا کہ 132 بچوں سمیت 149 افراد کی ہلاکت نے شدت پسندی کے خلاف جنگ کے حوالے سے عوام کی سوچ کو تبدیل کر دیا ہے۔

’انھیں کیوں نشانہ بنائیں جو ہمارے لیے خطرہ نہیں ہیں‘

’پشاور میں واقع آرمی پبلک سکول پر حملہ گیم چینجر (پانسہ پلٹ دیا) ہے۔ اس نے پوری قوم کو ہلا کر رکھ دیا ہے۔‘

انھوں نے مزید کہا ’جیسے 9/11 نے امریکہ کو تبدیل کردیا اسی طرح 16/12 ہمارا منی 9/11 ہے۔‘

پاکستان پر کئی عرصے سے الزامات لگتے رہے ہیں کہ یہ شدت پسندوں کے حوالے سے ڈبل گیم کھیلتا رہا ہے۔ تاہم اے ایف پی کو دیے گئے انٹرویو میں سرتاج عزیز نے کہا کہ پشاور کے سکول پر حملے کے بعد سے یہ سوچ ختم ہو گئی ہے۔

’اس گروپ کو ہدف بنانا ہے اور اس گروپ کو ہدف نہیں بنانے کا امتیاز تقریباً ختم ہو گیا ہے۔ ہمیں احساس ہو گیا ہے کہ آخر میں یہ تمام گروپ ایک دوسرے کی مدد کرتے ہیں اور اگر آپ ان گروپوں میں تفریق کرتے ہیں تو ان گروپوں ہی کو مہلت دے رہے ہیں جو مستقبل میں ہمارے لیے خطرناک ہو سکتی ہے۔‘

اس سے پہلے وزیراعظم نواز شریف نے پشاور حملے کے ایک دن بعد ملک کی سیاسی قیادت کے اجلاس کے بعد امریکہ مشترکہ نیوز کانفرس سے خطاب کرتے ہوئے کہا تھا کہ شدت پسندی کے خلاف کارروائیوں میں کسی بھی سطح پر اچھے اور برے طالبان کی کوئی تمیز روا نہیں رکھی جائے گی اور جب تک ایک بھی دہشت گرد باقی ہے یہ جنگ جاری رہے گی۔

Views: 279

Comment

You need to be a member of Virtual University of Pakistan to add comments!

Join Virtual University of Pakistan

Comment by + Angel Sweet Doll(MBA) + on December 20, 2014 at 10:40pm

pata ni hmry country mein kis din amn ho ga

Comment by + Angel Sweet Doll(MBA) + on December 20, 2014 at 10:39pm

Looking For Something? Search Below

VIP Member Badge & Others

How to Get This Badge at Your Profile DP

------------------------------------

Management: Admins ::: Moderators

Other Awards Badges List Moderators Group

© 2021   Created by + M.Tariq Malik.   Powered by

Promote Us  |  Report an Issue  |  Privacy Policy  |  Terms of Service