We have been working very hard since 2009 to facilitate in your learning Read More. We can't keep up without your support. Donate Now.

www.bit.ly/vucodes

+ Link For Assignments, GDBs & Online Quizzes Solution

www.bit.ly/papersvu

+ Link For Past Papers, Solved MCQs, Short Notes & More

تم یہ کیسے سوچ سکتی ہو کہ تم مردوں کے برابر ہو،

مرد یا عورت ہونا انسان کے بس میں نہیں، یہ تو ایک حقیقت ہے لیکن تم یہ کیسے سوچ سکتی ہو کہ تم مردوں کے برابر ہو، تم بھی وہ صلاحیتیں رکھتی ہو جن کا مالک تمہارا بھائی ہے۔ تم نہیں جانتی کہ تمہارا بھائی مرد ہے جس نے کما کر لانا ہے اور تم عورت ہو جسے برسوں سے بوجھ سمجھا جاتا تھا مگر جب تم پیدا ہوئی تو تمہارے دادا دادی نے کچھ بھی تو نہیں کہا تھا پھر تم کیوں اپنی ماں سے گلہ کرتی ہو کہ تمہارے پیدا ہونے پر مٹھائیاں کیوں نہیں بانٹی تھیں۔
اب امی کیسے بتائیں کہ ان کے اختیار میں کچھ نہیں تھا یہ تو بس سب نے تمہارے بھائی کے پیدا ہونے پر خود ہی آرڈر پر مٹھائی تیار کروائی تھیں۔ امی کو تو معلوم ہی نہیں تھا، مگر تم تو پیدا ہوئی چار بہنوں کے بعد، پھر بھی کسی نے کچھ نہیں کہا بس پھپھو جب آئیں تو تمہیں گود میں اٹھا کر یہی تو کہا تھا “بیٹا ہو جاتا تو جوڑی مکمل ہو جاتی” پھر جب امی کی آنکھوں میں آنسو دیکھے تو دادی نے کتنے حوصلے کا مظاہرہ کرتے ہوئے کہا تھا “کوئی نہیں اﷲ پھر دے دے گا” اب اتنے حوصلے اور سمجھ والے خاندان میں پیدا ہوئی ہو پھر بھی ماں سے گلہ کرتی ہو کہ تمہیں شہر کے سب سے مہنگے اسکول میں کیوں نہیں داخل کروایا جب کہ امی کتنی دفعہ بتا چکی ہیں کہ تمہارے ابو کے وسائل اتنے نہیں کہ سب بچوں کو اتنے مہنگے اسکولوں میں پڑھاسکیں۔
ویسے بھی بھائی تو تعلیم کی طرف توجہ نہیں دیتا تھا، گلی کے بچوں کے ساتھ کھیلتا کودتا تھا جب کسی نے ابو کو بتایا کہ بچوں کو پڑھانا ہے تو اچھے اسکولوں میں بھیجو بچہ کچھ نہ کچھ بن کر ہی نکلتا ہے اور ایک تم ہو جو بیکار کی زد کرتی ہو اور سوچتی ہو پڑھ لکھ کر ابو کا سہارا بنو گی، پاگل لڑکی کیا تم نہیں جانتی کے بڑے تایا کو لڑکیوں کا باہر جانا ہرگز پسند نہیں، انھوں نے تو ابو سے کہہ بھی دیا ہے کہ وہ تمہیں اپنی بہو بنائیں گے،پھر کیسے ماں سے کہا تم نے کہ شادی نہیں کرنی اور وہ بھی اس لیے کہ تم بی ایس سی کر رہی ہو اور تمہارا تایا زاد صرف میٹرک پاس ہے۔
امی نے کیا سمجھایا تھا بھول گئی؟ لڑکوں کی تعلیم سے فرق نہیں پڑتا دیکھو نا کتنا اچھا کاروبار ہے تایا کا پھر وہ اکلوتا وارث، دو بہنوں کی شادیاں ہو گئی ہیں ایک رہ گئی اس کی بھی ہو جائے گی پھر تم ہی تو ہو گی، سارے عیش ملیں گے تمہیں۔ بس اب ضد چھوڑ بھی دو تمہاری انہی باتوں کی وجہ سے امی کی طبییعت خراب رہتی ہے۔پھر گھر کے حالات کا بھی تمہیں اندازہ ہے، بھائی کی نوکری چلی گئی اور ابو نے بھی تو ادھارپیسے لے کر ایجنٹ کو دیے تھے پر ویزا کیا خاک لگتا وہ آدمی ہی فراڈ نکلا بھائی کی کیا غلطی وہ تھوڑی جانتا تھا وہ تو اس کے دوست نے دھوکہ کیا۔ یہ سب تمہارے سامنے ہے اب ضد کرنے سے پہلے یہ یاد کر لیا کرو کہ تمہاری بہنیں کتنی خوش ہیں ان کی زندگیوں کے فیصلے بھی تو امی ابو نے ہی کیے تھے۔
باجی کو اﷲ نے تین بیٹیوں کے بعد بیٹا دیا ان کے شوہر کا کاروبار بھی تو دیکھو کتنا پھیل گیا، ان کی ساس کا رویہ نہیں دیکھتی اب تم،یہ تم جو بیوقوفی کی باتیں کرتی ہو کیا کہتی ہو وہ تو باجی نے اپنا زیور بیچ کر کاروبار میں پیسہ ڈال دیا تو کاروبار چل پڑا، اﷲ نے انہیں بیٹا دے دیا تو گھر والوں کا رویہ بدل گیا، یہی کہتی ہو نا ؟ یاد نہیں امی نے کیا کہا تھا کہ یہ سب ماں باپ کی دعائیں ہیں اور پھر ماں باپ جو اولاد کو پیدا کرتے ہیں، پال پوس کر جوان کرتے ہیں، انھوں نے عمر گزاری ہے وہ اولاد کا برا کیسے سوچ سکتے ہیں ؟ اگر تمہارے بھائی نے پسند کی شادی کر لی تو وہ اس لیے کہ وہ لڑکا ہے باہر نکلتا ہے طرح طرح کے لوگوں سے ملتا ہے اس کی ایک سوچ ہے تبھی تو امی ابو مان گئے تھے کیونکہ وہ جانتے ہیں بیٹا تو سمجھ دار ہے گھر کے بڑے فیصلے کر سکتا ہے تو بس اب تم بھی ضد ختم کرو اور امی ابو کی بات مان لو کیونکہ جب تمہارے سربراہان کو کوئی دقت نہیں تو تمہیں کیا اعتراض ہے؟


+ http://bit.ly/vucodes (Link for Assignments, GDBs & Online Quizzes Solution)

+ http://bit.ly/papersvu (Link for Past Papers, Solved MCQs, Short Notes & More)

+ Click Here to Search (Looking For something at vustudents.ning.com?)

+ Click Here To Join (Our facebook study Group)


Views: 278

Comment

You need to be a member of Virtual University of Pakistan to add comments!

Join Virtual University of Pakistan

Comment by kkstar on June 1, 2017 at 7:03pm

Not same behavior in each family

Comment by Sweety on May 31, 2017 at 11:56pm

hmmm......its really true.

© 2020   Created by +M.Tariq Malik.   Powered by

Promote Us  |  Report an Issue  |  Privacy Policy  |  Terms of Service

.