www.bit.ly/vucodes

+ Link For Assignments, GDBs & Online Quizzes Solution

www.bit.ly/papersvu

+ Link For Past Papers, Solved MCQs, Short Notes & More

ZINDAGEE…


Zindagee…zindagee or is ka maqsad ek aisa mozu hai jis pr har khas-o-aam ne apnay khayalat ka izhar kiya hai. Is k sath sath ek dosray k
khayalat pr tanqeed bhi ki hai or kai bar un ki himayat bhi. Or phir jis k hath
main qalam or jis ki shakhsiat main likhnay ka shauq ho, wo apni soch or
mozu-e-fikar beniazi k saath manzar-e-aam pr la sakta hai.


Ek taraf to koi khtaa hai k “Zindagee zinda dili ka naam hai” to doosri taraf kisi k khayal main “Zindagee naam hai mar mar k jiye janay ka”. Jaha ek taraf
do muttazad nazariye apnay ap main ek khubsurat sachaye ko chupaye chalay
arahay hain, whi kch log aisay bhi hain jo galiban kisi hatmi faislay pr nahi
phonch patay or kuch is trha apni la Ilmi chupatay hai k “Is Zindagee ki ham
se haqeeqat na poochiye”
.


Ek gurroh aisa bhi hai jin ki nazar main zindagee char dino ka khail hai. Or ek aisa khail jis ka koi hasil wasool unhay nazar hi nahi ataa or yeh wohi log hain jo …


Umar daraz mang kar laye thay char din


Do Arzo main kat gaye, do intezar main


Ek bara majmaa un logo ka bhi hai jin k nazdeek beshak zindagee mehdood or fani hai lekin insaan k safar main zindagee hi wo wahid qayaam ki jaga hai jaha se ham agay ka
rasta chunnay k liye azad hain.


Waqt ki qaid main hai zindagee magar


Chand ghariyan yehi hain jo azaad hain


Ek aur nazariya-e-zindagee bhot maqbool hai jis k mutabiq “Amal se zindagee banti hai jannat bhi jahannum bhi”. Yani insaan is zindagee main mehaz amal krnay
aya hai. Ab wo achay aamaal karnay main apna waqt sarf karay ye buray, yeh beshak
uski marzi hai. Lekin har amal ka inaam khuda-e-wahid-o-bartar ne tai kar rkha
hai.


Ek or munfarid soch jis se mai hi nahi har Musalman ittefaq karta hai k


Zindagee Aamad baraye Bandagee


Zindagee Bebandagee Sharmindagee


Hosakta hai har insaan ki zindagee ka maqsad alag alag ho lekin is k pechay raza sirf Allah SWT ki honi chahye. Yani Zindagee ki sham main Bandagee k jam ki apni hi
khasosiat hai jis k baghair zindagee na sirf adhori balkay nadamat ka baais bhi
ban jati hai,


Nazariye to bhot hain… Har nai soch apna ek nayab nazariya paish karnay k liye tayyar khari hai..Lekin in sab hi baato se yeh hargiz zahir nahi hota k har insaan ki apni
ek alag zindagee hai balkay yeh zahir hota hai k is zindagee k itnay pehlo hain
k har dekhnay wali nazar apna ek alag zawiya dhoondnay main kamyab hojati hai.
Har shakhs yeh janna chahta hai k wo iss zindagee k baray main kia or kiun
sochtaa hai? Kis maqsad ko sar ankho par liye us ne apni ab tak ki
zindagee guzari? Or mustaqbil main kis manzil ka husool usay khan lekar
jaye ga?


Sawaal yaqinan paicheeda hai…lekin shayad isi sawaal ka jawab talashnaa is zindagee ka maqsad ho....


By Muslimah!


+ http://bit.ly/vucodes (Link for Assignments, GDBs & Online Quizzes Solution)

+ http://bit.ly/papersvu (Link for Past Papers, Solved MCQs, Short Notes & More)

+ Click Here to Search (Looking For something at vustudents.ning.com?)

+ Click Here To Join (Our facebook study Group)


Views: 126

Comment

You need to be a member of Virtual University of Pakistan to add comments!

Join Virtual University of Pakistan

Comment by Muslimah on June 27, 2010 at 10:21pm
walaikum asslam Warahmatullah
Jazak Allah...hamesha ki trha aap ne mjhe saraha is k liye:)

Totally agree wid ur answer ...Allah ki raza hi Musalman ka maqsad hai...bikul sahi
Zindagee amad baraye bandagee
Zindagee bebandagee Sharmindagee...ap k point of view se bilkul ittefaq krti hoonn
Comment by ×∞∞♫ღ♪ Ð ☺η£ϒ 1 ♪ღ♫∞∞× on June 27, 2010 at 4:20pm
As Salaam O Alikum:
Muslimah as usual awesome topic aur awesome way of writing Awesome choice of words. Hats off dear. U are MASHALLAH very good thinker. Allah bless u.
Now the answer
Allah nay humain yunhi bemaqsad is duniya main nai bheja. Hum yahan pay apni akhirat ka tosha tayar karny aey hain. Hum yahan jo boein gay Akhirat main wohi katain gay. Ye to hum sub janty hi hain par hum janty bujhty nazar andaz karty hain. Manzil ka hasool hi maqsad hai humara par manzil kia hai is ka taiy'yun nai kar patey hum. Allah ki Raza aur khush noodi hi aik Muslaman ka maqsad hai. Thats my view.
Now UMAY UMAIRA dear very well said. Bht khoob. God bless u. Take care
Comment by genial ONE on June 26, 2010 at 10:06pm
Amal se zindagi banti ha jannat bhi jahannum bhi
ye khaki apni fitrat main na noori ha na naari....
Comment by Muslimah on June 26, 2010 at 9:50pm
So true...Meray last paragraph main har sawaal ka ap ne jawab de dya...
Bhot shukriya..Meray nazdeek agar ham zindagee main zindagee ka maqsad hi jan lain to adhay masail hal ho sktain hain
Comment by genial ONE on June 26, 2010 at 9:29pm
zindagi aik reality hai.. Allah taa'la ne aik khas maqsad k liye aik khas process se isnaan ko guzaarney k liye usko zameen per bhaija hai jaha per uski aazmaish hogi..khusi,gham,ups and down are mere elements of life the purpose behind them is to assess the behavior of man by Allah in such moments....(KIA LOGO NE YE GUMAAN KER LIYA HAI K UN K SIRF ISS DAAWEY PER K WO EEMAN LAAYE UNHE AAZMAYA NAHI JAYE GA... ayat 1surat 29)(AUR HER INSAAN K LIYE WO HAI JIS KI USS NE KOSHISH KI... aL QURAN)


But the most important thing is ur efforts will be seen and judged........
Comment by Muslimah on June 26, 2010 at 9:14pm
Zindagee jabr-e-musalsal ki trhan kati hai
Paayi hai kis jurm ki saza yaad nahi...

bhot khoob..
Comment by »Xohaib« on June 26, 2010 at 9:12pm
"Zindagi jabr e musalsal ki tarah kaati hay,,,"

Looking For Something? Search Below

© 2021   Created by + M.Tariq Malik.   Powered by

Promote Us  |  Report an Issue  |  Privacy Policy  |  Terms of Service

.